पंतप्रधान नरेंद्र मोदी यांच्या 'मन की बात' कार्यक्रमाचे भोसरी विधानसभा मतदारसंघात सलग चौथ्या महिन्यात १००% बुथवर यशस्वी आयोजन करण्यात आले. भाजपचे ज्येष्ठ उपाध्यक्ष संजय पाटणी यांनी दिलेल्या माहितीनुसार, आमदार महेश लांडगे यांच्या मार्गदर्शनाखाली हा उपक्रम राबवण्यात आला. यातून भोसरीतील भाजपची संघटनात्मक ताकद आणि समर्पण दिसून आले, असे पाटणी यांनी म्हटले आहे.
पाटणी यांनी सांगितले की, 'मन की बात' हा एक सार्वजनिक संवाद आहे, जो देशातील प्रत्येक घटकाशी थेट जोडला जातो. हा कार्यक्रम सामान्य लोकांच्या असामान्य कार्याची दखल घेतो आणि राष्ट्रनिर्माणात प्रत्येकाच्या योगदानावर भर देतो. भोसरी विधानसभा मतदारसंघात एकूण ४८३ बुथ आहेत आणि या सर्व बुथवर कार्यक्रमाचे आयोजन करण्यात आले होते.
या यशामागे बुथप्रमुख, बुथ कार्यकर्ते, शक्ती केंद्रप्रमुख, मंडल अध्यक्ष, पदाधिकारी, तसेच महिला, युवक, ज्येष्ठ नागरिक आणि भोसरीतील जागरूक नागरिकांचा उत्साहपूर्ण सहभाग असल्याचे पाटणी यांनी नमूद केले. पिंपरी-चिंचवड भाजपचे सरचिटणीस विकास डोलास यांनी या कार्यक्रमाच्या यशस्वीतेसाठी सर्व सहभागींच्या समर्पण आणि कठोर परिश्रमाबद्दल आभार मानले. सलग चौथ्या महिन्यात भोसरी विधानसभा मतदारसंघातील सर्व ४८३ बुथपर्यंत 'मन की बात' पोहोचवण्यात यश मिळाल्याचे त्यांनी सांगितले.
