बिजलीनगर येथे एका चहाच्या दुकानाच्या मागील मोकळ्या जागेत पैसे लावून तीनपत्ती जुगार खेळला जात असल्याची माहिती चिंचवड पोलिसांना मिळाली होती. त्यानुसार २३ सप्टेंबरच्या रात्री सुमारे दहा वाजता पोलिसांनी तेथे छापा टाकला.
या कारवाईत २२, ३७ आणि ५६ वर्षांच्या तिघांना ताब्यात घेण्यात आले. ते स्वतःच्या आर्थिक फायद्यासाठी बेकायदा जुगार खेळत असल्याचे आढळले, असे पोलिसांनी सांगितले.
घटनास्थळावरून १ लाख ३ हजार १०० रुपयांची रोकड, पत्त्यांचे डाव आणि जुगाराचे इतर साहित्य, तसेच एक मोटारसायकल असा मुद्देमाल जप्त करण्यात आला.
पोलिस शिपायाच्या फिर्यादीवरून चिंचवड पोलिस ठाण्यात गुन्हा दाखल करण्यात आला असून पुढील तपास पोलिस उपनिरीक्षकांच्या मार्गदर्शनाखाली सुरू आहे.
